«Որեւէ կենդանի հայ պէտք չէ մնայ Ղարաբաղի մէջ». ՄԻՊ-ը հայատեացութեան փաստեր ներկայացուցած է
ՀՀ ՄԻՊ-ը քանի մը օրինակներ ներկայացուցած է Ատրպէյճանի մէջ հայատեացութեան ու թշնամանքի խորքային արմատներու վերաբերեալ: Իր դիմատետրեան էջին ան գրած է.
«Ատրպէյճանում հայատեացութեան ու թշնամանքի խորքային արմատների վերաբերեալ լրացուցիչ ապացոյցներ: Այս անգամ ատրպէյճանական ընկերային մետիայի իրական օգտատէրերի հրապարակումներից [մի քանիսը]`
1) «Պետք է սպանել ե՛ւ հայ կանանց, ե՛ւ հայ երեխաներին», - Ատրպէյճանի փաստաբանների միութեան անդամ.
2) Ես չեմ խղճում հայ երեխայի: Լաւագոյն հայը մեռած հայն է.
3)Պէտք է սպանել կենդանի մնացած հայերին: Խոշտանգէք սպանելուց առաջ.
4) Ես ուզում եմ հայերի, որոնց մերկացրել են ու բռնաբարել.
5) Սրիկա հայերը պէտք է սպանուեն ու վերանան այս մոլորակից ու բոլորն, ովքեր նրանց կողմից են, պէտք է նոյն ձեւ սպանուեն.
6) Այս աշխարհում հայերի համար չպէտք է տեղ մնայ: Ես ատում եմ նրանց: Բոլոր անխիղճ հայերը պէտք է սպանուեն.
7) Ես ուղղակի սիրահարուել եմ Իլհամ Ալիեւի խօսքերին, որ մենք նրանց քշում ենք շների պէս.
8 ) Որեւէ կենդանի հայ չպէտք է մնայ Ղարաբաղում.
9) Ծնողի կողմից իր երեխաների հարցման արդիւնքների հրապարակում.
- Ո՞վ է մեր թշնամին
- Հայաստանը
- Ի՞նչ ենք զգում նրանց հանդէպ
- Ատելութիւն
- Վեր բարձրացրէք ձեռքերը եւ կրկնէք՝ մենք ձեզ կը քշենք Ղարաբաղից շների պէս
- Մենք ձեզ կը քշենք Ղարաբաղից շների պէս.
10) գլխատուած հայ զինուորի նկարով «Թելեկրամ» ընկերային ցանցի թուրք-ատրպէյճանական յատուկ բացուած ալիքում ծաղրող հարցումներ, թէ ինչ են օգտատէրերը զգում, երբ տեսնում են գլխատուած հայ.
11) եւ թշնամանքի այլ դրսեւորումներ:
Գլխաւոր հարցն այստեղ այն է, որ նշուած հրապարակումներում օգտագործւում են նոյն բառերն, ինչ ատրպէյճանական իշխանութեան մարմիններն ու մշակութային գործիչները: Ընդ որում, այս հրապարակումներում թէ´ ատրպէյճանական, թէ´ թուրքական աղբիւրներ են:
Նոյն բառերն են օգտագործում նաեւ ատրպէյճանական զինուորականները հայերին խոշտանգելու ու անմարդկային վերաբերմունքի տեսանիւթերում:
Մանրամասներն արտացոլուած են Հայաստանի ու Արցախի Մարդու իրաւունքների պաշտպանների 2020թ. համատեղ արտահերթ զեկոյցում, որ պատրաստուել է 2020թ. սեպտեմբեր-նոյեմբեր ամիսների պատերազմի ընթացքում կատարուած մշտադիտարկման արդիւնքներով՝ https://www.ombuds.am/images/files/2032f021fe81176414a649d588ad0e86.pdf?fbclid=IwAR2K80Wb2QMoa3DDkCYlJrOrhfJj7pcePFdRbWOGnu__bV4wWz5Mso0O4mY »: