Այսօր Քարվաճառի շրջանը ամբողջութեամբ կ'անցնի Ատրպէյճանին. մոթոհրաձիգները լքած են տարածքը՝ պայթեցնելով զօրանոցներն ու զօրամասի այլ կառոյցները
Այսօր՝ 25 Նոյեմբերին Քարվաճառի շրջանը ամբողջութեամբ կ'անցնի Ատրպէյճանի վերահսկողութեան տակ։ Ինչպէս կը հաղոտդէ «РИА Новости»-ի թղթակիցը, մոթոհրաձիգները լքած են տարածքը՝ պայթեցնելով զօրանոցներն ու զօրամասի այլ կառոյցներ:
Հայկական զինուորական վերջին ստորաբաժանումները արդէն հեռացած էին Լեռնային Ղարաբաղի Քարվաճառի շրջանէն, որ կէսգիշերին անցաւ Ատրպէյճանին:
«Մենք այստեղ մնացեր ենք ողջ պատերազմի ընթացքին եւ ոչինչ անոնց տուած ենք: Այժմ մինչեւ ատրպէյճանցիներու դիրքեր ուղիղ գիծով 12 քմ է: Կը հեռանանք մեր առաջապահ դիրքերէն եւ կը պայթեցնենք զօրամասի մնացեալ կառոյցները, որպէսզի անոնք չմնան ատրպէյճանցիներուն: Կ'երթանք Հայաստան: Մեր զօրամասը վերջիններէն մէկն է»,- թղթակցի հետ զրոյցի ժամանակ ըսած է մոթոհրաձգային զօրամասի հրամանատարութեան ներկայացուցիչը:
Կը նշուի, որ անձնակազմը շրջանէն հեռացած է, նախքան պայթումներու կազմակերպումը: Զինուորական կառոյցներու ոչնչացման հետեւած են ստորաբաժանման հրամանատարութեան ներկայացուցիչները:
Նախապէս շրջանը պէտք է յանձնուէր 15 նոյեմբերին, սակայն հայկական կողմի խնդրանքով ժամկէտը յետաձգուած էր մինչեւ 25 նոյեմբեր։ Աղտամի շրջանը Ատրպէյճանին յանձնուած է 20 նոյեմբերին, իսկ մինչեւ 1 դեկտեմբերը պէտք է յանձնուի Լաչինի շրջանը։