Արցախի որեւէ կարգավիճակ Ատրպէյճանի կազմէն ներս պարզապէս անհնար ու անընդունելի է. Արայիկ Յարութիւնեան
«Թէեւ դժուար պայմաններում, սակայն շարունակելու ենք պայքարը Արցախի Հանրապետութեան անկախութեան միջազգային ճանաչման ուղղութեամբ, իսկ որեւէ կարգավիճակ Ատրպէյճանի կազմում պարզապէս անհնար ու անընդունելի է», – այսօր՝ Յունուար 26-ին յայտարարած է Արցախի նախագահ՝ Արայիկ Յարութիւնեան՝ Արցախի նորաստեղծ ներքին գործոց նախարարութիւն այցելութեան ժամանակ, ուր նախարարութեան անձնակազմին ներկայացուցած է նախարար՝ Կարեն Սարգսեան:
Անդրադառնալով յետ պատերազմական իրավիճակին ու վերականգնողական աշխատանքներուն՝ ԼՂ-ի նախագահը շեշտած է, որ Արցախին դժուար ու երկար ճանապարհ կը սպասուի երկրի վերականգնման ու զօրացման ուղղութեամբ, այնպիսի երկրի, ուր բոլոր արցախցիներ ապագայ պիտի տեսնեն ապրելու եւ արարելու: