Հրադադարը խախտուած է 22 անգամ` հայկական դիրքերու ուղղութեամբ արձակուած է 497 կրակոց

2020-07-29

Հայ-ատրպէյճանական պետական սահմանին վրայ, յուլիս 28 լոյս 29-ի գիշերը եւ այսօր առաւօտեան, պահպանուած է յարաբերական անդորր։ Այս մասին ֆէյսպուքի իր էջին գրած է  ՀՀ ՊՆ մամուլի խօսնակ Շուշան Ստեփանեան:

«Ատրպէյճանական կողմը հրաձգային զինատեսակներով խախտած է հրադադարը 22 անգամ` հայկական դիրքերուն ուղղութեամբ արձակելով 497 կրակոց:

Քոլագիր, Մովսէս, Ներքին Կարմիրաղբիւր, Կոթի ուղղութիւններով տեղակայուած մարտական դիրքերու առանձին հատուածներուն վրայ` 5 անգամ։

Երասխ, Չիվա, Զանգակատուն, Ելփին ուղղութիւններով տեղակայուած մարտական դիրքերու առանձին հատուածներուն վրայ` 5 անգամ։

Բարձրունի, Անգեղակոթ ուղղութիւններով տեղակայուած մարտական դիրքերու առանձին հատուածներուն վրայ` 12 անգամ»,- յայտնած է Ստեփանեան։