Արցախի վրայ յարձակումը կը նշանակէ յարձակում Ռուսաստանի վրայ. Արցախի ԱԳ նախարար
Ոչ ոք կրնայ երաշխաւորել նոր պատերազմի հնարաւորութեան ի սպառ բացակայութիւնը, սակայն հիմա այդպիսի հնարաւորութիւնը շատ փոքր է։ Այս մասին յայտարարեց Արցախի արտաքին գործոց նախարար Դաւիթ Պապայեանը։
Նախարարը ընդգծեց, որ Հայաստանի վրայ լայնածաւալ յարձակումը յարձակում կը նշանակէ ՀԱՊԿ-ի վրայ եւ պարզապէս կարելի չէ աննկատ մնալ։ «Մենք տեսանք Ղազախստանի վերջին իրադարձութիւնները եւ ՀԱՊԿ-ի արձագանգը։ Իսկ Հայաստանի վրայ յարձակման դէպքում արձագանք կը լինի առնուազն ռուսական կողմից, յատկապէս եթէ միանայ Թուրքիան: Ինչ վերաբերում է Ղարաբաղի վրայ յարձակման հնարաւորութեանը, ապա խաղաղութիւնն ու կայունութիւնը պահպանւում են ռուս խաղաղապահների կողմից։ Արցախի վրայ յարձակումը ինքնաբերաբար յարձակում կը նշանակի ռուս խաղաղապահների եւ Ռուսաստանի վրայ: Դա այլ տեսակի պատերազմ կը լինի: Դա չի լինի պատերազմ Ատրպէյճանի եւ Արցախի եւ Հայաստանի միջեւ: Չեմ կարծում, որ Ատրպէյճանը դա չի հասկանում։
Եթէ Ղազախստանում ահաբեկիչներին, փանթուրքիստներին յաջողուէր հասնել իրենց նպատակին, ապա պատերազմի հաւանականութիւնը 100 տոկոսանոց կը լինէր։ Հիմա հաւանականութիւնը փոքր է», ըսաւ նախարարը։
