Երեւանի մէջ մեկնարկած է Եւրասիական միջկառավարական խորհուրդի նեղ կազմով հանդիպումը

2021-11-18
Image

Երեւանի մէջ մեկնարկած է Եւրասիական միջկառավարական խորհուրդի նիստը։

 Նախագահի նստավայր ժամանած են ՀՀ վարչապետ Նիկոլ Փաշինեանը, Ռուսաստանի Դաշնութեան վարչապետ Միխայիլ Միշուսթինը, Պելառուսիոյ վարչապետ Ռոման Կոլովչենքոն, Ղազախստանի վարչապետ Ասքար Մամինը եւ Ղրղզստանի վարչապետ Աքիլբեկ Ժափարովը։

ԵԱՏՄ անդամ երկիրներու վարչապետները համատեղ լուսանկարուեցան, որմէ ետք մեկնարկած է նեղ կազմով հանդիպումը։

ԵԱՏՄ երկիրներու կառավարութիւններու ղեկավարները, ի թիւս այլ հարցերու, պիտի քննարկեն միութեան երկիրներու ռազմավարական նշանակութիւն ունեցող դեղերով ապահովուածութեան, էքոլոկիապէս մաքուր ելեկտրափոխադրութեան հանրահռչակման, մետաղագործական ձեռնարկութիւններու հումքային ապահովման հարցերը:

Նշենք, որ Նոյեմբեր 18-19-ը Երեւանի մէջ տեղի կ՛ունենայ Եւրասիական միջ-կառավարական խորհուրդի հերթական նիստը, այդ առիթով Հայաստան կը ժամանեն Եւրասիական տնտեսական միութեան անդամ պետութիւններու կառավարություններու ղեկավարները:

Եւրասիական տնտեսական միութեանն անդամ են Ռուսաստանը, Հայաստանը, Պելառուսը, Ղազախստանը ու Ղրղըզստանը։