ԵԽԽՎ համազեկուցողները փաստահաւաք այցով պիտի ժամանեն Հայաստան
Image
Եւրոպայի խորհուրդի խորհրդարանական վեհաժողովի (ԵԽԽՎ) Հայաստանի պարտաւորութիւններու կատարման վերահսկողութեան համար պատասխանատու համազեկուցողներ Քիմմօ Քիլիւնէն՝ Ֆինլանտայէն, եւ Պորիանա Օպերկը՝ Շուէտէն, պիտի ժամանեն Հայաստան։ Տեղեկութիւնը յայտնած է Եւրոպայի խորհուրդի խորհրդարանական վեհաժողովի կայքը։
Նշուած է, որ անոնք փաստահաւաք այցով պիտի ըլլան Հայաստան՝ փետրուար 17-20-ը։
Եւրոպայի խորհուրդի խորհրդարանական վեհաժողովի կայքը նաեւ յայտնած է, որ Քիլիւնէնն ու Օպերկը պիտի հանդիպին ՀՀ բարձրագոյն ղեկավարութեան եւ քաղաքացիական հասարակութեան ներկայացուցիչներու հետ։
