Հայաստանի հաւաքականը մետալային հաշուարկով 62-րդն է. Թոքիօ-2020
Թոքիօ-2020-ին մետալային հաշուարկով առաջատարը Չինաստանի հաւաքականն է՝ ընդհանուր 71 մետալով, որմէ 32-ը՝ ոսկեայ, 23-ը՝ արծաթեայ, 16-ը՝ պրոնզէ։
Երկրորդ տեղը գրաւած է ԱՄՆ ողիմպիական հաւաքականը՝ 27 ոսկեայ, 33 արծաթեայ եւ 24 պրոնզէ մետալներով։ Երրորդ տեղը՝ Ճափոնի ողիմպիական հաւաքականի ներկայացուցիչներն են․ ճափոնացիները վաստակած են 21 ոսկեայ, 7 արծաթեայ եւ 12 պրոնզէ մետալ։ Լաւագոյն քառեակը եզրափակած է Աւստրալիոյ ողիմպիական հաւաքականը՝ 17 ոսկեայ, 4 արծաթեայ, 17 պրոնզէ մետալներով։
Հայաստանի ողիմպիական հաւաքականը կը զբաղցնէ 62-րդ հորիզոնականը՝ ունենալով 2 արծաթեայ եւ 1 պրոնզէ մետալ:
Յիշեցնենք որ Հայաստանի հաւաքականը ունի եւս առնուազն մէկ մետալ, որու գոյնը դեռ պարզ չէ, քանի որ բռնցքամարտիկ Յովհաննէս Պաչքովը դեռ չէ մենամարտած կիսաեզրափակիչին: Մետալի յոյսեր կան նաեւ ազատ ոճի ըմբիշ Վազգէն Թեւանեանէն, որը դեռ չէ սկսած իր ելոյթները:
