Սոթքի հանքավայրի տարածքին գիշերը անկանոն կրակոցներ հնչած են. մօտ 150 աշխատակիցներ տարհանուած են

2021-07-28

Սոթքի հանքավայրի տարածքին մէջ գիշերը անկանոն կրակոցներ հնչած են, որու հետեւանքով հրատապ որոշում կայացուած է դադրեցնել հանքավայրի աշխատանքը։ Այս մասին Tert.am-ի հետ զրոյցի ժամանակ ըսած է «Ճեոփրոմայնինկ Կոլտ» ընկերութեան ներկայացուցիչ Ռուզաննա Գրիգորեանը։

Անոր տեղեկացմամբ՝ տարհանուած են բոլոր աշխատակիցները, այժմ այնտեղ են միայն անվտանգութեան աշխատակիցներ․ «Մօտ 150 աշխատակից այդ պահին հերթապահութեան է եղել: Տուժողներ չեն եղել»,-նշած է ան՝ աւելցնելով, որ մինչ այս պահը հանքավայրը չաշխատիր։

Հարցին՝ այս պահուն ինչ իրավիճակ է հանքավայրի մէջ, արդեօ՞ք կրակոցները կը շարունակուին, Գրիգորեանը պատասխանած է, որ դժուար է հանքավայրի մէջ գտնուող անվտանգութեան աշխատակիցներու հետ կապ հաստատելը, տեղեկութիւններ չկան։