ԱՄՆ քոնկրէսականները երկրի ղեկավարութենէն պահանջած են աւելի քան 100 մլն տոլար յատկացել Հայաստանին եւ Արցախին

2021-04-02

ԱՄՆ Քոնկրէսի Ներկայացուցիչներու պալատի հայկական հարցերով յանձնաժողովը կոչ ըրած է աւելի քան 100 միլիոն տոլար օգնութիւն յատկացնելու Հայաստանին եւ Արցախին՝ անցեալ տարի թուրք-ատրպէյճանական կործանարար յարձակումներու ենթարկուելուն համար:

Ինչպէս կը հաղորդէ Ամերիկայի «Հայ դատի» յանձնախումբը, քոնկրէսականներն այս կոչով հանդէս եկած են, երբ Ներկայացուցիչներու պալատի Արտաքին յատկացումներու ենթայանձնաժողովի նախագահ Պարպարա Լին եւ բարձրաստիճան անդամ Հալ Ռոճըրսը սկսած են կազմել 2022 ֆինանսական տարուան արտաքին օգնութեան նախագիծը:

Ինչպէս կը հաղորդէ ԱՄՆ Հայ դատի յանձնախումբը՝ շնորհակալութիւն յայտնելով քոնկրէսականներ Փալոնին, Սփիէրին, Շիֆին եւ անոնց միացած գործընկերներուն, վերջիններուս ներկայացուցած նամակին մէջ ըսուած է, որ անմիջական օգնութիւնն անհրաժեշտ է Լեռնային Ղարաբաղի հայ բնակչութեան՝ տուներու անյապաղ վերականգնման, վերակառուցման աշխատանքներու, սննդային անվտանգութեան ապահովման, դեղերու, ջուրի մատակարարման եւ այլ առաջնահերթ խնդիրներու լուծման համար:  

Քոնկրէսականները կոչ ըրած են նաեւ դադրեցնելու ամէն տեսակի նիւթական օգնութիւնն Ատրպէյճանին, քանի դեռ չէ ապահովուած Հայաստանի եւ Արցախի դէմ բոլոր յարձակումներու վերացումը: