Անյապաղ ազատել հայ ռազմագերիները եւ քննութիւն սկսիլ պատերազմական յանցագործութիւններու հարցով. նոր օրինագիծ ԱՄՆ-ի Քոնկրեսին մէջ
ԱՄՆ Քոնկրէսի Ներկայացուցիչներու պալատը ընդուած է Թոնի Քարտենասի, Ատամ Շիֆի եւ Պրետ Շերմանի առաջարկած օրէնսդրական փոփոխութիւններու նախագիծը, որ կը պահանջէ Ատրպէյճանէն ազատ արձակել բոլոր հայ ռազմագերիները:
Բացի այդ, Քարտենաս-Շիֆ-Շերման փոփոխութիւններու նախագիծը կոչ կ'ընէ զեկոյց պատրաստելու Ատրպէյճանի կողմէ դրսեւորուած պատերազմական յանցագործութիւններու, այդ շարքին՝ հայ քաղաքացիներու դէմ անթոյլատրելի զինամթերքի եւ սպիտակ ֆոսֆորի օգտագործման մասին:
Նախագիծը կը պահանջէ նաեւ հետաքննութիւն իրականացնել թրքական անօդաչուներուն մէջ ամերիկեան արհեստագիտութիւններու օգտագործման վերաբերեալ, որոնք կիրառուած են 2020 թուականի Արցախեան պատերազմի ընթացքին՝ թիրախաւորելու հայ բնակչութիւնը:
Նախագիծի համահեղինակներն են քոնկրեսականներ Ճեքի Սփիրը, Էնտի Լեւինը, Գաս Պիլիրաքիսը, Զոյի Լոֆկրենը, Ֆրանք Փալոնը, Ճեն Շչաքովսքին, Տէյվիտ Վալատոն, Ճուտի Չուն, Աննա Էշուն, Քեթի Փորթըրը, Եանկ Քիմը, Ռաճա Քրիշնամուրթին, Տինա Թիթուսը:
