Ատրպէյճանը պատրաստակամութիւն յայտնած է լուծելու Հայաստանի հետ սահմանի հարցը
Պաքուն կը սատարէ ատրպէյճանահայկական սահմանի սահմանազատման եւ սահմանագծման հարցով եռակողմ յանձնաժողով ստեղծելու Մոսկուայի առաջարկին, ատրպէյճանական կողմը պատրաստ է կառուցողական աշխատանքի Երեւանի հետ, ըսած է Ատրպէյճանի վարչապետ Ալի Ասատովը: Կը հաղորդէ Ria.ru-ն։
Ատրպէյճանի վարչապետը ելոյթ ունեցած է Մինսքի մէջ՝ ԱՊՀ երկիրներու կառավարութիւններու ղեկավարներու հանդիպման ժամանակ:
«Ատրպէյճանը սկսած է սահմանային ենթակառուցուածքներու որոշման գործընթացը եւ պատրաստ է կառուցողական լուծման Հայաստանի հետ սահմանագծման հարցով: Այդ կապակցութեամբ Ատրպէյճանը կը սատարէ ռուսական կողմի առաջարկին՝ սահմանազատման եւ սահմանագծման եռակողմ յանձնաժողով ստեղծելու վերաբերեալ: Սահմանային գիծերու որոշումը տեխնիկական գործընթաց է, եւ այդ գործընթացը պէտք է հիմնուած ըլլայ միջազգային լուրջ իրաւական հիմքի վրայ», – մէջբերած է Ասատովի մամուլի ծառայութիւնը:
