Գերմանիայէն 15 ոստիկաններ պիտի դիտարկեն հայ-ատրպէյճանական սահմանը
Գերմանիայէն 15 ոստիկաններ պիտի մասնակցին Հայաստանի եւ Ատրպէյճանի միջեւ հրադադարի ռեժիմի պահպանման միջազգային առաքելութեան, անզէն իրաւապահները սահմանին պարեկութիւն պիտի իրականացնեն հայկական կողմէն: Այս մասին Պերլինի մէջ յայտարարեց կառավարութեան բանբեր Շտեֆեն Հեպեշթրէյթ
«Նոր առաքելութիւնը անհրաժեշտ է, քանի որ իրավիճակը Հայաստանի եւ Ատրպէյճանի սահմանին կը շարունակէ լարուած մնալ»,- աւելցուցած է ան:
Գերմանիոյ կառավարութիւնը կ՛առաջարկէ նաեւ քաղաքացիական փորձագէտներ ուղարկել:
Ընդհանուր առմամբ շուրջ 100 կիներ եւ տղամարդիկ պիտի մասնակցին Եւրոպական Միութեան առաքելութեան, զոր կը գլխաւորէ Գերմանիոյ դաշնակցային ոստիկանը:
Եւրոպական Միութեան դիտորդական առաքելութիւնը հայ-ատրպէյճանական սահմանագօտիի դիտարկումը պիտի մեկնարկի յաջորդ երկուշաբթի։ Անոր յայտարարուած նպատակը անզէն պարեկներու օգնութեամբ հրադադարի պահպանման հետեւիլն է։
Աւելի վաղ հաղորդուած էր, որ առաքելութեան կազմին մէջ Ֆրանսայէն ութ ոստիկան պիտի ընդգրկուի։
