Նախկին Հայաստանաբնակ ատրպէյճանցիները կը պահանջեն Երեւանի կողմէ բանակցութեան հրաւիրուիլ
Image
Նախապէս Հայաստանի մէջ բնակած ատրպէյճանցիները միաւորող այսպէս կոչուած «Արեւմտեան Ատրպէյճանի համայնք»ի ղեկավար Ազիզ Ալեքպերլի պահանջած է, որ Հայաստանի կառավարութիւնը բանակցութիւններու սկսի իր ղեկավարած կառոյցին հետ:
Այս մասին յայտնած է «Ազատութիւն»ը:
«Մենք կ՛ողջունենք Ատրպէյճանի կառավարութեան կողմէ Ատրպէյճանի Ղարաբաղի տարածաշրջանին մէջ բնակող հայերուն՝ շփումները շարունակելու վերաբերեալ հրաւէրը», ըսած է Ալեքպերլին՝ աւելցնելով. «Իբրեւ Արեւմտեան Ատրպէյճանի համայնք՝ մենք քանի մը օր առաջ նամակ ուղարկեցինք Հայաստանի վարչապետ Նիկոլ Փաշինեանին՝ մեր հայրենի օճախները մեր անվտանգ եւ արժանապատիւ վերադարձի իրաւունքը երաշխաւորելու համար»:
