Ռուս խաղաղապահները հնարքներ մշակած են՝ անօդաչուներու յայտնաբերմանն ու հնարաւոր յարձակումներու կանխմանն ուղղուած. ՌԴ ՊՆ
Image
Ռուս խաղաղապահները մարտական պատրաստուածութեան պարապմունքներու շրջածիրէն ներս վարժանքներ իրականացուցած են՝ ուղղուած Լեռնային Ղարաբաղի մէջ անօդաչուներու կիրառմամբ հնարաւոր խախտումները կանխելուն եւ Լաչինի միջանցքի դիտակէտերուն մէջ անվտանգութեան ապահովման: Այս մասին ըսուած է ՌԴ ՊՆ տեղեկագրին մէջ:
Ինչպէս կը հաղորդուի, վարժանքները իրականացուած են 6 ուսումնական կէտի մէջ: Զինծառայողները նոր ռազմավարական հնարքներ եւ գործողութիւններ մշակած են՝ ուղղուած տեղակայման վայրէն դուրս գալուն, զրահափոխադրիչներուն մէջ տեղաւորուելուն, պայմանական յարձակողը շրջափակելուն եւ դիտակէտի դէմ հնարաւոր յարձակումը կանխելուն:
Ուսումնավարժանքի շրջածիրէն ներս իրականացուած գործողութիւններու առանձնայատկութիւնը անօդաչու թռչող սարքի բացայայտման համար կատարուող հնարքներն էին:
