Քալիֆորնիան եւ Սիւնիքը քոյր մարզեր
ԱՄՆ Քալիֆորնիա նահանգի Ծերակոյտը ընդունած է Հայաստանի Սիւնիքի մարզին հետ քոյր-նահանգ/մարզ համագործակցութիւն հաստատելու մասին բանաձեւ:
Այս բանաձեւով Քալիֆորնիան համերաշխութիւն կը յայտնէ Հայաստանի հարաւային մարզին` Սիւնիքին:
Այն պիտի նպաստէ երկու վարչական միաւորներու կրթական, տնտեսական եւ մշակութային փոխշահաւէտ համագործակցութեան: Կը նշուի, որ Հայաստանն ու Միացեալ Նահանգները կապուած են պատմական, ժողովրդավարութեան, ազատութեան եւ բարգաւաճման ընդհանուր արժէքներով, եւ այս բանաձեւին ընդունումը կը վերահաստատէ այդ փաստը:
Քալիֆորնիոյ նահանգի ներկայացուցիչ Քրիս Հոլտընը նշած է, որ Սիւնիքի մարզին հետ յարաբերութիւններու ամրապնդումը կը կատարուի այն ժամանակ, երբ տարածաշրջանային ուժերը` Ատրպէյճանը եւ Թուրքիան, վտանգ կը ներկայացնեն մարզին գոյութեան ու կենսապահովման:
«Այս բանաձեւը կը վերահաստատէ Քալիֆորնիոյ համերաշխութիւնը Հայաստանի եւ մեր 1 միլիոննոց ուժեղ հայ համայնքին հետ: Այսօր մենք երկարատեւ կապեր կը ստեղծենք աւելի լաւ վաղուան օրուան համար», նշած է ան:
