Թուրքիա եւ Ատրպէյճան զօրավարժութիւններ պիտի կայացնեն Կարսի մէջ
Image
Ատրպէյճանի զինուած ուժերու միացեալ զօրախումբի խումբ մը զինծառայողներ պիտի մասնակցին Թուրքիոյ մէջ կայացող զօրավարժութիւններուն։
Ինչպէս յայտնած են ատրպէյճանական լրատուամիջոցները, զինծառայողները մեկնած են Թուրքիա՝ մասնակցելու «Հէյտար Ալիեւ-2023» համատեղ մարտավարական զօրավարժութիւններուն՝ նուիրուած Հէյտար Ալիեւի 100-ամեակին։
Կարսի մէջ կայանալիք համատեղ մարտավարական զօրավարժութիւններու հիմնական նպատակն է ապահովել մարտական գործողութիւններու ընթացքին զօրքերու համակարգումը, կատարելագործել հրամանատարութիւնը, փորձի փոխանակումը եւ անձնակազմի մասնագիտական բարձրացումը։
