Թուրքիոյ տնտեսութիւնը նման է վերակենդանացման բաժանմունքի մէջ գտնուող հիւանդի. Կարօ Փայլան

2021-10-25
Image

Թուրքիոյ քրտական Ժողովուրդներու Ժողովրդավարական կուսակցութեան հայ պատգամաւոր Կարօ Փայլան խիստ քննադատութեան ենթարկած է Թուրքիոյ տնտեսական յանձնախումբի պատասխանատուները։

Կարօ Փայլան շեշտած է, որ Թուրքիոյ մէջ տնտեսական հիմնական սխալը ֆինանսաւորման տոկոսադրոյքներու իջեցումն է, որու հետեւենաքով տոլարը անընդհատ կը բարձրանայ, որուն կը հետեւին ապրանքներու եւ ծառայութիւններու թանկացումները։

Կարօ Փայլան յիշեցուցած է Էրտողանի փեսային կատարած սխալները եւ շեշտած, որ նոյն սխալները կը շարունակուին հիմա։ Ան Թուրքիոյ տնտեսութիւնը համեմատած է հիւանդանոցի վերակենդանացման բաժանմունքին մէջ պառկած հիւանդին հետ։