Սելահատին Տեմիրթաշը կոչ ըրած է ընդդիմութեան միաւորուելու ընդդէմ Թուրքիոյ իշխանութիւններու

2021-04-06

Քրտամէտ «Ժողովուրդներու դեմոկրատիա» կուսակցութեան նախկին համանախագահ Սելահատին Տեմիրթաշը կոչ ըրած է ընդդիմութեան միաւորուելու ընդդէմ Թուրքիոյ իշխանութիւններու:

Անոր խօսքով՝ ընդդիմութիւնը պէտք է ձեւաւորէ միութիւն ընդդէմ իշխող Արդարութիւն եւ զարգացում ու Ազգայնական շարժում կուսակցութիւններու միջեւ միութեան 2023 թուականի ընտրութիւններուն սպասելու փոխարէն: Reuters-ին տուած հարցազրոյցին մէջ նշած է, որ Թուրքիոյ մէջ իշխող Ժողովրդական միութիւնը հերքած է «գրեթէ բոլոր իր հիմնարար սկզբունքները»: «Ամէն ինչ կ'ընեն իշխանութեան ղեկին մնալու համար: Եւ այդ ամէնը ցոյց կու տայ, որ անոնց քաղաքական հնարաւորութիւնները նուազած են»,-աւելցուցած է ան:

2018 թուականի խորհրդարանական ընտրութիւններուն Թուրքիոյ մէջ իշխող Արդարութիւն եւ զարգացում կուսակցութիւնն ու անոր ծայրայեղ աջակողմեան դաշնակից Ազգայնական շարժում կուսակցութիւնը միասին ստացած են ձայներու 54 տոկոսը: Սակայն, վերջին հարցումներու տուեալներով՝ Ազգայնական շարժման աջակցութիւնը կը նուազի Թուրքիոյ տնտեսական դժուարութիւներու եւ դատական համակարգի նկատմամբ աճող անվստահութեան պատճառով: Միութեան աջակցութիւնն ինկած է՝ հասնելով 46 տոկոսի՝ ըստ վերջին 3 ամիսներու ընթացքին 16 ընկերութիւններու իրականացուցած հարցումներու:

«Օր մը, կէսգիշերին, մեզի անօրինաբար առեւանգած են մեր տուներէն եւ վերածած քաղաքական բանտարկեալներու: Մենք հպարտ ենք ատով»,-ըսած է Տեմիրթաշը: «Անոնք, որոնք բանտարկած են մեզի այստեղ, խայտառակուած են»:

Տեմիրթաշին կը սպառնայ 142 տարուան բանտարկութիւն: Դեկտեմբերին ՄԻԵԴ-ը կոչ ըրած էր Թուրքիոյ անյապաղ ազատ արձակելու քիւրտ քաղքական գործիչը: