Արցախին աջակցող պաստառ՝ Շուէտ-Ատրպէյճան խաղի ժամանակ

Ֆութպոլի Եւրոպայի 2024 թուականի առաջնութեան որակաւորման փուլի Շուէտ-Ատրպէյճան հանդիպման, ներկայ գտնուող հայերը արշաւ իրականացուցած են՝ Արցախի շրջափակումը դադրեցնելու պահանջով։

Խաղի ընթացքին երկրպագուները Հայաստանի եւ Արցախի դրօշներ պարզած են, ինչպէս նաեւ մեծ պաստառ, որու վրայ գրուած է․ «Դադրեցուցէք Արցախի շրջափակումը»։

Ի դէպ, այդ խաղին Ատրպէյճանի հաւաքականը 0-5 հաշուով ջախջախիչ պարտութիւն կրած է։ 

Ատրպէյճանի հաւաքականը մեծ հաշուով պարտութիւն կրած էր նաեւ որակաւորման փուլի առաջին խաղին՝ 4-1 հաշուով զիջելով Աւստրիոյ հաւաքականին։