Խոսրովի անտառին մէջ կրկին նկատուած է Նէօ ընձառիւծը
«Խոսրովի անտառ» պետական արգելոց» ՊՈԱԿ-ի (Պետական ոչ առեւտրային կազմակերպութիւն) եւ Բնութեան համաշխարհային հիմնադրամի հայաստանեան մասնաճիւղի հետ համատեղ իրականացուող մշտադիտարկման աշխատանքներու շնորհիւ պետական արգելոցի նկարող սարքերը կրկին նկարահանած են Նէօ ընձառիւծը:
Ընձառիւծը ընդգրկուած է ՀՀ Կարմիր գիրքին մէջ եւ Բնութեան պահպանութեան միջազգային միութեան Կարմիր ցուցակին մէջ:
Յիշեցնենք` արդէն 5 տարի է, որ Նէօ ընձառիւծը կը բնակի «Խոսրովի անտառ» պետական արգելոցի տարածքին մէջ։
Ընձառիւծը Հայաստանի կենդանական աշխարհի ամենատպաւորիչ եւ կովկասեան էքօ-տարածաշրջանի ամենավտանգուած կենդանատեսակներէն մէկն է: