ՀԱՂՈՐԴԱԳՐՈՒԹՅՈՒՆ

2024թ. փետրվարի 19-ին տեղի ունեցավ Ռամկավար Ազատական կուսակցության  Կենտրոնական Վարչության և Հանրապետական վարչության Դիվանների հերթական համատեղ առցանց նիստը` Կենտրոնական Վարչության ատենապետ ընկեր Մայք Խարապեանի նախագահությամբ,  մասնակցությամբ նաև վաստակաշատ կուսակցական ընկեր Վարդան Նազիրեանի, հետևյալ օրակարգով`

1.ՌԱԿ Սփյուռքի և Մայր հայրենիքի կուսակցական գործերի տեղեկատվության փոխանակում:

2. Հայաստանի ներքին և արտաքին քաղաքական հարցերի քննարկում:

Ժողովի ընթացքում Դիվանների անդամները մտքեր փոխանակեցին ներկա աշխարհաքաղաքական իրավիճակի մի շարք հարցերի վերաբերյալ, գերակա համարվեց Հայաստանի քաղաքական դաշտում կուսակցության գործունեության ուղղվածությունը, կարևորագույն խնդիրներին և հարցերին արագ արձագանքելու անհրաժեշտությունը, խոսվեց առաջիկա ծրագրերից և նախաձեռնություններից:

Ժողովականները քննարկեցին հայ հասարակությանը ներկայումս հուզող մի շարք խնդիրներ:

Ռամկավար Ազատական կուսակցության

Մամլո դիվան

19-ը փետրվարի, 2024թ.