Ազգային ժողովի առաջին նիստը` 26 Յուլիսին

ՀՀ 8-րդ գումարման Ազգային ժողովը իր անդրանիկ նիստը պիտի գումարէ 26 Յուլիսին: Այս մասին ըսած է ՀՀ Արդարադատութեան նախկին նախարար Գէորգ Դանիէլեանը:

«Յուլիսի 26-ին նիստ կը հրաւիրեն, քանի որ նրանք առաջադրել են վարչապետի թեկնածու, նախագահը կը ստորագրի, արդէն կը սկսեն նրանք ընտրել ԱԺ նախագահ, տեղակալներ եւ այլն»,-ըսած է ան:

Արտահերթ խորհրդարանական ընտրութիւններու արդիւնքներով «Քաղաքացիական պայմանագիր» կուսակցութիւնը ստացած է 71 մանտաթ, «Հայաստան» դաշինքը` 29, «Պատիւ ունեմ» դաշինքը` 7։

Նշենք, որ «Քաղաքացիական պայմանագիր» կուսակցութիւնը ստացած էր  658 761 ձայն կամ ընտրողներու ձայներու 53,91%–ը, «Հայաստան» դաշինքը ստացած է  269 481 ձայն կամ 21,09%–ը, «Պատիւ ունեմ» դաշինք`  66 650 քուէ կամ 5,22%։

Յիշեցնենք` արտահերթ խորհրդարանական ընտրութիւններուն մասնակցած էին 21 կուսակցութիւն եւ 4 դաշինք։

Կուսակցութիւններու համար անցողիկ շեմը 5 տոկոս է, դաշինքներու համար՝ 7 տոկոս։

Հայաստանի Սահմանադրական դատարանը, 17 Յուլիսիսն,  ուժի մէջ թողեց ԱԺ արտահերթ ընտրութիւններու վերաբերեալ ԿԸՀՅ որոշումը: 

Յիշեցնենք՝ քաղաքական 4 ուժեր՝ «Հայաստան» եւ «Պատիւ ունեմ» դաշինքները, ինչպէս նաեւ «Զարթօնք» եւ «Հայոց Հայրենիք» կուսակցութիւնները, դիմած էին ՍԴ՝ վիճարկելու Կեդրոնական ընտրական յանձնաժողովի հրապարակած՝ ընտրութիւններու վերաբերեալ վերջնական արդիւնքները։