Ալիեւը յայտարարած է Հայաստանի հետ սահմանին ենթակառուցուածքի ստեղծման մասին

2021-04-28

Ատրպէյճանի նախագահ Իլհամ Ալիեւը յայտարարած է, որ ատրպէյճանական կողմը կ'աշխատի Հայաստանի հետ սահմանին ենթակառուցուածքներու ստեղծման ուղղութեամբ, այժմ անոր երկարութիւնը 500 քիլոմեթր է: Այս մասին կը հաղորդէ ria.ru—ն։

«Մեր սահմանապահները ներկայիս կը պահպանեն ատրպէյճանա-հայկական սահմանը: Սահմանի երկայնքով կ'իրականացուին բոլոր անհրաժեշտ ենթակառուցուածքային աշխատանքները, գործի դրուած է ամբողջ սարքաւորումը: Այս սահմանի երկարութիւնը կը կազմէ մօտ 500 քիլոմեթր», –ըսած է Ալիեւը սահմանապահներու հետ հանդիպման ժամանակ: