Արցախի առաջնագիծի երկայնքով հրադադարի էական խախտումներ չեն արձանագրուած
Մարտ 28-29-ի լոյս գիշերը՝ մինչեւ առաւօտեան ժամը 10:00, Արցախի առաջնագիծի երկայնքով հրադադարի էական խախտումներ չեն արձանագրուած եւ մարտավարական իրադրութիւնը մնացած է լարուած՝ մարման որոշակի դրական միտմամբ:
Ատրպէյճանական զօրքերը կը շարունակեն մնալ Քարագլխի՝ Փառուխին յարակից հատուածին մէջ ամրացուած նոյն յենակէտերուն մէջ:
Արցախի տեղեկատուական շտաբէն կը յայտնեն, որ Արցախի զինուած ուժերը կը շարունակեն պաշտպանական դիրքերու ամրացման ու թշնամիի զսպման լրացուցիչ միջոցառումներու կատարումը:
Շարունակական աշխատանքներ կը տարուին ռուս խաղաղապահ զօրակազմի հրամանատարութեան հետ՝ նպատակաուղղուած ատրպէյճանական հնարաւոր սադրանքներու կանխման եւ ատրպէյճանական զինուած ուժերը իրենց ելման դիրքեր վերադարձնելուն:
Արցախի պատկան մարմինները բոլոր հնարաւոր մեխանիզմներով կը հետեւին իրադրութեան ու ատրպէյանական կողմի գործողութիւններուն, եւ, ըստ կարիքի, լրացուցիչ հրապարակումներով պիտի տեղեկացնեն իրավիճակի զարգացումներուն վերաբերեալ:
