Դաւիթ Տօնոյեանի փաստաբանական խումբը պիտի դիմէ դատարան անոր խափանման միջոցը փոխելու հարցով
ՀՀ պաշտպանութեան նախկին նախարար Դաւիթ Տօնոյեանի պաշտպանական խումբն այսօր յայտարարած է, որ միջնորդութեամբ կրկին պիտի դիմէ դատարան խափանման միջոցի փոփոխութեան նպատակով:
Յայտարարութեան մէջ ըսուած է.
«Դաւիթ Տօնոյեանի ձերբակալումից մէկ տարի, երեք ամիս անց է միայն պաշտպանական կողմին հնարաւորութիւն ընձեռուել 3 դատական նիստի ընթացքում հրապարակել եւ հետազօտել մեղադրանքն ամբողջապէս հերքող փաստական տուեալներն ու ապացոյցները։
Մասնաւորապէս, հիմնաւորել հրթիռների ձեռքբերման անհրաժեշտութիւնն ու օրինականութիւնը, մեղադրուող պաշտօնեաների՝ իրենց լիազօրութիւնների սահմաններում կատարուած գործողութիւնների իրաւաչափութիւնը, խնդրոյ առարկայ հրթիռների տեխնիկական նորմերին, պահանջներին եւ պահպանման ժամկէտներին համապատասխանութիւնը։ Ինչպէս նաեւ ներկայացուել են նախաքննութեան ընթացքում կատարուած ապօրինութիւնները, անճշտութիւնները եւ ուղղորդուած շտապողականութեան փաստերը»։
