Լաւրով. Ղարաբաղի հարցը դեռ պէտք է համաձայնեցնել

2021-06-09

Լեռնային Ղարաբաղի կարգավիճակի հարցը պէտք է համաձայնեցնել ԵԱՀԿ Մինսքի խումբի համանախագահներու մասնակցութեամբ, սակայն այժմ պէտք է ուշադրութիւնը կեդրոնացնել տարածաշրջանին մէջ խաղաղ կեանքի վերադարձին: Այս մասին յայտարարած է Ռուսաստանի արտաքին գործոց նախարար Սերկէյ Լաւրովը, կը հաղորդէ ԹԱՍՍ-ը:

«Ես կը հասկնամ, որ այժմ շատերը կը խօսին այն մասին, որ չլուծուած կը մնայ ԼՂ կարգավիճակը: ԼՂ կարգավիճակի հարցը պէտք է համաձայնեցնել ԵԱՀԿ Մինսքի խումբի համանախագահներու մասնակցութեամբ, որոնք այս պահուն պէտք է աջակցին վստահութեան միջոցներու ամրապնդման, մարդասիրական հարցերու լուծման, որպէսզի հայերն ու ատրպէյճանցիները կրկին միասին ապրին անվտանգ եւ տնտեսական բարեկեցութեան պայմաններու մէջ: Եւ այդ ժամանակ, կը վստահեցնեմ, 2-3 տարի անց կարգավիճակի բոլոր խնդիրներն աւելի հեշտ կը լուծուին»,-ըսած է Լաւրովը: