Մեզի համար անսպասելի էր Պաքուի յայտարարութիւնը. Մհեր Գրիգորեանը ներկայացուցած է եռակողմ խումբի աշխատանքներու ընթացքը
Տարածաշրջանին մէջ հաղորդակցութիւններու հնարաւոր ապաշրջափակումը կապուած չէ Հայաստանի եւ Ատրպէյճանի միջեւ սահմանազատման եւ սահմանագծման հետ։ Այս մասին ըսած է Հայաստանի փոխվարչապետ Մհեր Գրիգորեանը։
«Մենք հետեւում ենք երեք երկրների ղեկավարների Սոչիի յայտարարութեանը, ըստ որի՝ պայմանաւորուել են քայլեր ձեռնարկել հայ-ատրպէյճանական սահմանին կայունութեան եւ անվտանգութեան մակարդակը բարձրացնելու ուղղութեամբ եւ գործը տանել դէպի Ռուսաստանի Դաշնութեան խորհրդատուական աջակցութեամբ Հայաստանի եւ Ատրպէյճանի միջեւ պետական սահմանի սահմանազատման, դրա հետագայ սահմանագծման վերաբերեալ երկկողմանի յանձնաժողովի ստեղծման ուղղութեամբ: Սակայն այս հարցը ոչ մի կերպ փոխկապակցուած չէ տարածաշրջանում տրանսպորտային հաղորդակցութիւնների հնարաւոր բացման հետ», ըսած է ան:
Հայաստանի փոխվարչապետը յաւելած է նաեւ, որ Հայաստանի, Ռուսաստանի եւ Ատրպէյճանի փոխվարչապետներու ճանապարհային հաղորդակցութիւններու ապաշրջափակման եռակողմ աշխատանքային խումբի շրջանակին մէջ ստեղծուած է փորձագիտական ենթախումբ, որ կը զբաղի սահմաններու բացման պարագային փոխադրումներու ապահովման հարցերու ուսումնասիրութեամբ։
