Պէտք է ունենանք լուծում, որուն համաձայն ԼՂ-ն կ'ունենայ միջազգային կարգավիճակ եւ կը մնայ հայկական.Փալոն

2020-07-31
Image

Քոնկրէսի հայկական հարցերով յանձնախումբը վճռական է՝ անդրադառնալու հայ-ատրպէյճանական հակամարտութեան, փորձելու հասնիլ այնպիսի լուծման, որ Լեռնային Ղարաբաղը միջազգային կարգավիճակ ստանայ եւ մնայ հայկական: «Արմէնբրես»-ի հաղորդմամբ՝ այս մասին ըսած է Քոնկրէսի հայկական հարցերով յանձնախումբի համանախագահ Ֆրանք Փալոնը՝ ՀՀ ազգային ժողովի Հայաստան-ԱՄՆ խորհրդարանական բարեկամական խումբի եւ Քոնկրէսի հայկական հարցերով յանձնախումբի միջեւ տեսակապի միջոցով փոխըմբռնման յուշագրի ստորագրման ժամանակ:

«Քոնկրէսի հայկական հարցերու յանձնախումբը պիտի շարունակէ աշխատիլ տարածաշրջանին մէջ տեւական խաղաղութեան հաստատման ուղղութեամբ: Ես գիտեմ, որ հիմա լարուած շրջան է, եւ Ատրպէյճանի կողմէ յարձակում տեղի կ'ունենայ: Եւ մենք գիտենք, որ պէտք է ունենանք այնպիսի լուծում, որուն համաձայն Լեռնային Ղարաբաղը կ'ունենայ միջազգային կարգավիճակ եւ կը մնայ հայկական»,-ըսած է Փալոնը:

Քոնկրէսականը շեշտած է՝ ուստի իրենք վճռական են այդ հարցերին անդրադառնալու՝ փորձելով այդ հարցերը լուծել եւ հաւատարիմ մնալով յանձնախումբի եւ Հայաստան-ԱՄՆ բարեկամական խումբի միջեւ յարաբերութիւնները ամրապնդելու նպատակին: