Փաշինեան հեռախօսազրոյց ունեցած է Մաքրոնի հետ

2022-03-01
Image

Վարչապետ Նիկոլ Փաշինեան հեռախօսազրոյց ունեցած է Ֆրանսայի նախագահ Էմանուէլ Մաքրոնի հետ:

Զրուցակիցները անդրադարձած են Փարիզի մէջ նախատեսուող Հայ-ֆրանսական համագործակցութեան համաժողովի կայացման ու յառաջիկային կայանալիք իրենց հանդիպման առնչուող օրակարգային հարցերու:

Անդրադարձ կատարուած է Լեռնային Ղարաբաղի շուրջ իրավիճակին, Հարաւային Կովկասի տարածաշրջանին մէջ անվտանգութեան ու կայունութեան ամրապնդման:

Միտքեր փոխանակուած են միջազգային ասպարէզին մէջ տեղի ունեցող գործընթացներուն շուրջ: