Ոչ եւս է հայ ժողովուրդին մեծ բարեկամ` Պոպ Տոլ

2021-12-06
Image

99 տարեկանին մահացած է Երկրորդ համաշխարհային պատերազմի վեթերան, ԱՄՆ նախկին հանրապետական ծերակուտական եւ 1996 թուականի ԱՄՆ նախագահի թեկնածու Պոպ Տոլը (Ռոպըրթ Ժոզէֆ Տոլ):

Տոլը 27 տարի՝ 1969-1996 թուականներին, ԱՄՆ Ծերակոյտին մէջ ներկայացուցած է Քանսաս նահանգը, իսկ մինչ այդ ութ տարի եղած է Ներկայացուցիչներու պալատի անդամ։ 1996-ի նախագահական ընտրութիւններուն ան հանրապետականներու թեկնածուն էր, սակայն պարտուեցաւ ժողովրդավարական Պիլ Քլինթընին, որ վերընտրուեցաւ երկրորդ ժամկէտով։

Տոլ այս տարուայ Փետրուարին յայտարարած էր, որ իր մոտ թոքերու քաղցկեղ ախտորոշած են։

Պոպ Տոլ իր ամբողջ ասպարէզին ընթացքին եղած է ԱՄՆ-ի մէջ հայերու շահերը քարոզող ամերիկացի ամենաաշխուժ պետական գործիչներէն մէկը։ Երկար տարիներ ան Հայոց Ցեղասպանութեան ճանաչման օրինագիծեր յառաջ մղած է:

2019-ին Հայաստանի նախագահ Արմէն Սարգսեան հրամանագիր ստորագրած էր ԱՄՆ Հանրապետական կուսակցութեան նախկին ծերակուտական, հայկական շահերու յայտնի ջատագով եւ լոպպիսթ Ռոպըրթ (Պոպ) Տոլին հանրապետութեան պետական մրցանակ շնորհելու մասին։