Եգիպտահայերը հայկական ուտեստներու տաղաւար ներկայացուցած են Գահիրէի մէջ

2021-09-30

Օրերս Գահիրէի  «Պարոն» պանդոկին մէջ եգիպտահայ համայնքի կազմակերպութեամբ ներկայացուած է հայկական ուտեստներու տաղաւար։

Կը նշուի նաեւ, որ Հայաստանը իր աւանդական ուտելիքներն ու հագուստները ցուցադրեց փառատօնին, մասնակցութեամբ արաբական, ափրիկեան եւ ասիական 17 երկիրներու, եւ ներկայութեամբ Եգիպտոսի արդիւնաբերության նախարար Նիվին Ժամէհի:

Փառատօնի ընթացքին հայ երիտասարդները կատարեցին արաբերէն եւ անգլերէն հին ու ժամանակակից երգեր, ներկայացուցին հայկական ժողովրդական պար ՝ աւանդական հայկական տարազով: Հայկական յայտնի ուտեստներէն կային լաւաշ հաց, տոլմա, մանթի, հարիսա եւ չիրեր:

Մասնակիցները բարձր գնահատած են Եգիպտոսի դերը՝ հայերը աւելի քան 100 տարիէ առանց խտրականութեան հիւրընկալելու համար: