Ամերիկեան կարգաւորիչը Moderna-ի պատուաստանիւթը համարած է անվտանգ եւ արդիւնաւէտ
ԱՄՆ Սննդամթերքի եւ դեղորայքի որակի առողջապահական հսկողութեան վարչութիւնը (FDA) Moderna ընկերութեան մշակած պատուաստանիւթը համարած է անվտանգ եւ արդիւնաւէտ, կը հաղորդէ Bloomberg-ը՝ յղում ընելով գերատեսչութեան զեկոյցին:
Զեկոյցին մէջ ըսուած է, որ պատուաստանիւթի արդիւնաւէտութիւնը կը կազմէ 94,1%:
Ըստ զեկոյցի՝ պատուաստանիւթը գրեթէ միանման արդիւնաւէտ է տարբեր ցեղային եւ էթնիք խումբերու համար: Ընդ որում, մշակումը ցոյց տուած է 86,4% արդիւնաւէտութիւն 65 տարեկանէն բարձր անձանց խումբի եւ 95,6%՝ 18-65 տարեկան անձանց խումբի համար:
Զեկոյցը հրապարակուած է ԱՄՆ առողջապահութեան նախարարութեան ենթակայ գերատեսչութիւններու փորձագէտներու խումբի հանդիպման նախաշեմին: Հանդիպման ժամանակ մասնագէտները որոշում պիտի կայացնեն, թէ արդեօք պէտք է տուեալ պատուաստանիւթը խորհուրդ տալ զանգուածային պատուաստման համար, թէ՝ ոչ, կը հաղորդէ «Ինթըրֆաքս»-ը:
1 Դեկտեմբերին Moderna-ն յայտնած է, որ հարցում ուղարկած է FDA-ին «Քորոնա» ժահրի դէմ պատուաստանիւթի արտակարգ օգտագործման թոյլտւութիւն ստանալու համար: Աւելի վաղ հաղորդուած է պատուաստանիւթի 94,1% արդիւնաւէտութեան մասին:
Աւելի վաղ FDA-ն հաւանութիւն տուած է Pfizer եւ BioNTech ընկերութիւններու պատուաստանիւթերու կիրառման: Նախօրէին ԱՄՆ-ի մէջ մեկնարկած է զանգուածային պատուաստումը:
