Անշարժ գոյքի գործարքները 2019-ի Սեպտեմբերին նախորդ տարուան նոյն ամսուան համեմատ աճած են 25,5 տոկոսով

2019-ի Սեպտեմբերին Հանրապետութեան մէջ անշարժ գոյքի նկատմամբ իրականացուած է իրաւունքի պետական գրանցման 15,572 գործարք, ինչը 2019–ի Օգոստոս ամսուան համեմատ աճած է 0,4 %-ով, իսկ 2018 թուականի Սեպտեմբեր ամսուան համեմատ` 25,5 %-ով: Այս մասին կը յայտնեն Քատասթրի կոմիտէէն:

Երեւանի մէջ 2019 –ի Սեպտեմբերին բազմաբնակարան շէնքերու բնակարաններու 1 քառ. մեթր մակերեսի հաշուարկով շուկայական միջին գիները 2019 թուականի Օգոստոս ամսուան համեմատ աճած են 1,2 %-ով, իսկ 2018 թուականի Սեպտեմբեր ամսուան համեմատ՝ 10,8 %-ով: Մարզերու քաղաքներուն մէջ 2019 –ի Սեպտեմբերին բազմաբնակարան շէնքերու բնակարաններու 1 քառ. մեթր մակերեսի հաշուարկով շուկայական միջին գիները 2019-ի Օգոստոս ամսուան համեմատ աճած են 0,4 %-ով, իսկ 2018 թուականի Սեպտեմբերի համեմատ՝ 3,6%-ով:

Յառաջիկային Քատասթրի կոմիտէն պիտի ներկայացնէ 2019 –ի երրորդ եռամսեակի տուեալները, իսկ գործարքներու տեսակն ու քանակը՝ ըստ մարզերու եւ ըստ գոյքի տեսակներու։