Արոնեանը հաւասարութեամբ աւարտեց խաղը եւ Քարլսընի հետ կը կիսէ առաջին դիրքը
Ճատրակ-960-ի (Ֆիշերու ճատրակ) «Chess 9LX» ճատրակի առցանց մրցաշարքին 7-րդ շրջանին հայկական ճատրակի առաջատար Լեւոն Արոնեանը սպիտակներով մրցած է աշխարհի 13-րդ ախոյեան, 57-ամեայ ռուս Կարի Գասպարովի հետ, որ աւարտած է ճատրակային ասպարէզը 2005-ին։ 48-րդ քայլին գրոսմայսթըրները համաձայնած են ոչ ոքի արդիւնքին։
Լեւոն Արոնեանն աշխարհի ախոյեան, նորվեկացի Մակնուս Քարլսընի հետ կիսած է առաջին տեղը՝ 5-ական միաւոր։ Քարլսընը 7-րդ շրջանին պարտութեան մատնած էր ռուս Փէոթր Սվիտլըրին:
Նախորդ 6 շրջաններուն Արոնյեանը ոչ ոքի խաղացած էր ամերիկացիներ Ֆապիանօ Քարուանայի, Հիքարու Նաքամուրայի եւ Ուեսլի Սոյի հետ, յաղթած էր իրանցի Ալիռեզա Ֆիրուճային, ռուսաստանցի Փէոթր Սվիտլըրին եւ ԱՄՆ-ի ներկայացուցիչ Լենիէր Տոմինկեսին։
Վերջին 2 շրջաններուն Արոնյեանի մրցակիցները պիտի ըլլան ֆրանսացի Մաքսիմ Վաշյէ-Լաքրաւը եւ Մակնուս Քարլսընը։
Մրցանակային հիմնադրամը 150 հազար ԱՄՆ տոլար է:
