Մահացած է հայրենի յայտնի երգիչ Հայկօն

Այսօր Միքայէլեան հիւանդանոցին մէջ իր մահկանացուն կնքած է հայրենի հանրայայտ եւ սիրուած երգիչ եւ երգահան Հայկօն, որ վարակուած էր «Քորոնա» ժահրով:

Անդրադառնալով երգիչ, երգահան Հայկոյի մահուան պատճառի մասին շրջանառուող լուրերուն, կը տեղեկացնենք, որ երգիչին մահուան պատճառը Քովիտի դէմ պատուաստանիւթը չէ, կը յայտնեն Առողջապահութեան նախարարութենէն:

«Պէտք չէ շահարկել կորուստը եւ մտնել անձնական տուեալներու դաշտ:

Առողջապահութեան նախարարութեան անձնակազմը ցաւակցում եւ իր զօրակցութիւնն է յայտնում Հայկոյի ընտանիքին», ըսուած է ԱՆ հաղորդագրութեան մէջ:

Հայկօն աւարտած է Երեւանի Կոմիտասի անուան պետական երաժշտանոցը։ 

Նշենք, որ Հայկոյի աստղը սկսած էր փայլիլ  2002 թուականին, երբ արժանացած է «Տարուայ լաւագոյն նախագիծ», «Տարուայ լաւագոյն ալպոմ» եւ «Տարուայ լաւագոյն տեսասկաւառակ» մրցանակներուն։

2006 թուականին ՀՀ նախագահի հրամանագրով անոր շնորհուած է Հայաստանի Հանրապետութեան վաստակաւոր արուեստագէտի կոչում։

2007 թուականին ներկայացուցած է Հայաստանը «Եւրըտեսիլ» երգի միջազգային մրցոյթին ժամանակ եւ գրաւած է 8-րդ տեղը։