Նոյեմբեր 17-ին 502 մարդ վերադարձած է Ստեփանակերտ

2020-11-18
Image

Հայաստանէն 17 նոյեմբերին 502 փախստական վերադարձած է Ստեփանակերտ: Ինչպէս կը հաղորդէ «Արմէնբրես»-ը, այս մասին կը յայտնէ ՌԴ պաշտպանութեան նախարարութիւնը: Նշուած է, որ 24 հանրակառքէ բաղկացած շարասիւնը Երեւանէն ուղեւորուած է Ստեփանակերտի գլխաւոր հրապարակ՝ ռուսական խաղաղապահ զօրքերու եւ ռազմական ոստիկանութեան ուղեկցութեամբ:

Փախստականներու անվտանգ վերադարձը եւ իրենց տուներ վերադարձող խաղաղ բնակիչներու՝ շփման գիծի  ուղղութեամբ տեղաշարժի անվտանգութեան ապահովումը կը կազմակերպուի մարդասիրական արձագանգման  միջգերատեսչական կեդրոնի ղեկավարմամբ եւ վերահսկմամբ:

Նշուած է, որ 14 նոյեմբերէն Ստեփանակերտ վերադարձած է աւելի քան 1700 բնակիչ, որոնք աւելի վաղ լքած էին իրենց տուները:

Հանրակառքերու անվտանգ տեղաշարժը ապահոված են ռուս զինծառայողները: