Շուշիի շրջանին մէջ ականազերծման ժամանակ ռուս սպայ զոհուած է
Image
Լեռնային Ղարաբաղի Շուշի քաղաքի մերձակայքին մէջ զոհուած է Միջազգային հակաականային կեդրոնի ականազերծման խումբի սպայ: Այս մասին կը հաղորդէ Ռուսաստանի պաշտպանութեան նախարարութիւնը:
«Շուշի բնակավայրի շրջանին մէջ ճանապարհի ականազերծման աշխատանքներ իրականացնելու ժամանակ պայթած է ականը»,-նշած են նախարարութենէն:
Պայթումի հետեւանքով զինուորականը ստացած է ծանր վիրաւորում: Անոր անմիջապէս բժշկական օգնութիւն ցուցաբերուած է, սակայն հիւանդանոց տեղափոխելու ժամանակ ան մահացած է:
Ինչպէս ըսած են ՌԴ ՊՆ-էն, զինծառայողի ընտանիքին պիտի տրամադրուի անհրաժեշտ օգնութիւն եւ աջակցութիւն: Ան մահացած է ստացած վնասուածքներու հետեւանքով:
