Ռուս ԱԻ նախարարը մահացած է յայտնի շարժանկարի բեմադրիչը փրկել փորձելու ժամանակ

2021-09-09

ՌԴ արտակարգ իրավիճակներու նախարար զօրավար Եւկէնի Զինիչեւը մահացած է յայտնի շարժանկարի բեմադրիչ Ալեքսանտր Մելնիքի հետ միասին, որուն կը փորձէր փրկել: Ողբերգութիւնը տեղի ունեցած է Արքթիքայի մէջ միջգերատեսչական վարժանքներու ժամանակ, կը հաղորդէ «ՌԻԱ Նովոստի»-ն:

ԱԻՆ տուեալներով՝ շարժանկարի բեմադրիչ Ալեքսանտր Մելնիքը նոր ֆիլմի նկարահանման վայրեր ընտրելու համար ներկայ գտնուած է Քրասնոյարսքի երկրամասին մէջ կայացող վարժանքներուն:

Ան ինկած է ժայռէն, իսկ Զինիչեւը նետուած է անոր փրկելու: Ականատեսներու վկայութեամբ՝ ան բախուած է ժայռի ելուստին: Երկուքը ծանր վնասուածքներով տեղափոխուած են հիւանդանոց, սակայն ուղղաթիռին մէջ մահացած են: