«Համաս»ի կողմէ 3 350 հրթիռ արձակուած է Իսրայէլի ուղղութեամբ
Image
Հակամարտութեան սրման սկիզբէն Կազայի հատուածէն Իսրայէլի ուղղութեամբ արձակուած է շուրջ 3,350 հրթիռ, որմէ շուրջ 500-ը ինկած է Կազայի մէջ: Այս մասին կը տեղեկացնէ իսրայէլեան բանակի մամուլի ծառայութիւնը, գրած է «ՌԻԱ Նովոստի» գործակալութիւնը:
«Ժամը 19:00-ի դրութեամբ, «Պատերու պահպանութիւն» գործողութեան մեկնարկէն ի վեր Կազայի հատուածէն Իսրայէլի ուղղութեամբ արձակուած է շուրջ 3350 հրթիռ, որմէ մօտ 500-ը անյաջող կերպով ինկած են Կազայի հատուածը»,- ըսուած է հաղորդագրութեան մէջ:
Նաեւ նշուած է, որ «Երկաթէ գմբեթ» հակահրթիռային պաշտպանութեան համակարգի արդիւնաւէտութիւնը կը կազմէ շուրջ 90%:
