«Հայաստան» համահայկական հիմնադրամը 30 տարեկան է
30 տարի առաջ՝ 3 Մարտին, նորանկախ Հայաստանի օրուան նախագահին հրամանագիրով ստեղծուեցաւ «Հայաստան» համահայկական հիմնադրամը:
Այս առիթով հիմնադրամը հրապարակեց հետեւեալ յայտարարութիւնը.
«Այդ նշանակալի օրէն ի վեր, հիմնադրամը գործեց ի նպաստ Հայաստանի եւ Արցախի բարօրութեան՝ իրականացնելով աւելի քան 1500 ծրագիր՝ առողջապահական, կրթական, ենթակառուցուածքներու վերականգնման, բնակարանաշինութեան, համայնքներու զարգացման եւ շարք մը այլ ոլորտներու մէջ:
«Վերջին 3 տասնամեակներուն ընթացքին, աշխարհի բոլոր անկիւններէն 1.5 միլիոն նուիրատու աւելի քան 500 միլիոն տոլար ներդրում կատարած է Հայաստանի եւ Արցախի մէջ իրականացուող կարեւորագոյն ծրագիրներու մէջ՝ սատարելով աւելի քան 800,000 շահառուի:
«Ողջ աշխարհի մեր գործընկերներն ու կամաւորները՝ համախմբելով իրենց միջոցներն ու ջանքերը, անասելի աջակցութիւն ցուցաբերած են հիմնադրամի ծաւալած գործունէութեան: Շատերը հիմնադրամի կողքին են առաջին օրէն, եւ այսօր մենք կը նշենք անոնց 3 տասնամեակին նուիրումը:
«Շնորհակալութիւն կը յայտնենք ձեզմէ իւրաքանչիւրին Հայաստանի, Արցախի ու համայն Սփիւռքի ժողովուրդին այդչափ նուիրուելու ու աջակցելու համար:
«30 տարի առաջ սկսաւ «Հայաստան» հիմնադրամի մեծածաւալ գործունէութեան երկար ճանապարհը, սակայն անիկա դեռ երկար պիտի ընթանայ: Մենք կրնանք եւ պէտք է համախմբուինք ու անիկա անցնինք միասնաբար»:
30 տարի առաջ սկսվեց «Հայաստան» հիմնադրամի մեծածավալ գործունեության երկար ճանապարհը, սակայն այն դեռ երկար է ընթանալու: Մենք կարող ենք և պետք է համախմբվենք ու այն անցնենք միասնաբար:
