Ամանորի ոչ աշխատանքային օրերը կը կրճատուին․ նոր որոշում

ՀՀ Ազգային ժողովը այսօր՝ 27 Հոկտեմբերին, առաջին ընթերցմամբ ընդունեց կառավարութեան ներկայացուցած օրէնքի նախագիծը, որով կ'առաջարկուի Ամանորեայ տօներուն ոչ-աշխատանքային սահմանել միայն 31 Դեկտեմբերը, 1 եւ 6 Յունուարը:

Օրենքի նախագիծին կողմ քուէարկեց 53 պատգամաւոր, 16 պատգամաւոր դէմ էր, 3-ը՝ ձեռնպահ:

Նախագիծը ներկայացնող ՀՀ տնտեսութեան նախարար Վահան Քերոբեան վստահեցուցած էր, որ ոչ-աշխատանքային օրերու կրճատմամբ ՀՆԱ-ն կը բարձրանայ, առեւտուրը կ'աճի:

Ընդդիմադիր «Հայաստան» խմբակցութիւնը առաջարկած է ոչ-աշխատանքային օրեր թողել նաեւ 2 եւ 7 Յունուարը:

Յիշեցնենք, որ գործող օրէնքով ոչ-աշխատանքային են 31 Դեկտեմբերէն մինչեւ 1-7 Յունուարը: