ԱՄՆ պետական քարտուղարութեան խօսնակ Նետ Փրայսը հրաժարական պիտի տայ
Image
ԱՄՆ պետական քարտուղարութեան խօսնակ Նետ Փրայս այս ամիս հրաժարական պիտի տայ։ Այս մասին յայտարարութիւն տարածած է պետական քարտուղար Էնթընի Պլինքըն։
«Ամերիկայի եւ ամբողջ աշխարհի մարդոց համար Նետ Փրայս յաճախ եղած է ԱՄՆ արտաքին քաղաքականութեան դէմքն ու ձայնը։ Ան ցուցաբերած է բացառիկ արհեստավարժութիւն եւ ազնուութիւն։ Վարչութեան անունով շնորհակալութիւն կը յայտնեմ Նետին իր հիանալի ծառայութեան համար»,- ըսուած է Էնթընի Պլինքընի յայտարարութեան մէջ։
Յայտարարութեան մէջ նշուած է, որ Փրայս, որ 2021-ի յունուարէն զբաղցուցած է Պետական քարտուղարութեան գլխաւոր մամուլի քարտուղարի պաշտօնը, պիտի շարունակէ աշխատիլ Պլինքընի գրասենեակէն ներս:
