Ատրպեճանական ԶՈՒ-ն կրակ բացած է Երասխի հատուածին մէջ տեղակայուած հայկական դիրքերու ուղղութեամբ․ ՊՆ

6 Օգոստոսին՝ ժամը 12:10-ի սահմաններուն, ատրպեճանական ԶՈՒ ստորաբաժանումները, տարբեր տրամաչափի հրաձգային զինատեսակներէ կրակ բացած են հայ-ատրպեճանական սահմանի Երասխի հատուածին մէջ տեղակայուած հայկական դիրքերու ուղղութեամբ, որու հետեւանքով նաեւ հրդեհուած է միջդիրքային հատուածի խոտածածկոյթը։

Ինչպէս տեղեկացուցած են ՀՀ ՊՆ-էն՝ հայկական կողմը կ'իրականացնէ հակազդման եւ հակառակորդի կրակը լռեցնելու գործողութիւններ։

Հայկական կողմէն տուժածներ չկան։