Ատրպէյճանը գնդակոծած է ՀՀ արեւելեան սահմանագօտիի հայկական դիրքերը․ ՊՆ

Ատրպէյճանական ԶՈՒ ստորաբաժանումները նոյեմբեր 16-ին, ժամը 13։00-ի սահմաններուն, հերթական սադրանքը նախաձեռնած են ՀՀ արեւելեան սահմանագօտիի ուղղութեամբ՝ գնդակոծութեան ենթարկելով հայկական դիրքերը։

Այս մասին կը յայտնեն ՀՀ պաշտպանութեան նախարարութենէն, նշելով, որ ՀՀ ԶՈՒ ստորաբաժանումները դիմած են պատասխան գործողութիւններու՝ հակառակորդի յառաջխաղացումը կանխելու նպատակով։

Փոխհրաձգութիւնը սկսած է այն բանէն յետյ, երբ ատրպէյճանական կողմը պահանջած է հայկական զինուած ուժերէն լքել Հայաստանի տարածքին գտնուող Ծիծեռնաքարի երկու մարտական յենակէտերը, սակայն մեր զինուորները հրաժարած են այդ պահանջը կատարելէ:

Հրաձգութիւնը կը շարունակուի մինչեւ այս պահը: