Արտաքին ահաբեկիչներու ներկայութեան տարածաշրջանային հետեւանքները ապագային պիտի երեւան. Փաշինեան
Image
ՀՀ վարչապետ Նիկոլ Փաշինեանը հարցազրոյց տուած է «Իրան» օրաթերթին: Հարցազրոյցէն հատուած ներկայացուցած է Իրանի մէջ ՀՀ դեսպանութիւնը:
«Միջազգային մակարդակով հաստատուած է, որ ռազմական գործողութիւններուն մասնակցելու նպատակով Սուրիայէն վարձկան ահաբեկիչներ կը տեղափոխուին տարածաշրջան Թուրքիոյ միջոցով, որ լրջագոյն վտանգներ կը ստեղծէ տարածաշրջանի համար: Ցաւօք տարածաշրջանային երկիրները այս իրողութեան չեն դրսեւորած լուրջ հակազդեցութիւն:
Կասկածէ վեր է, որ արտաքին ահաբեկիչներու ներկայութիւնը պիտի ստեղծէ այնպիսի սպառնալիքներ, որոնց տարածաշրջանային հետեւանքները ապագային պիտի երեւան:
Տարածաշրջանային երկիրները պէտք է աւելի լուրջ մօտենան այս խնդրին»,- ըսած է վարչապետը:
