Դադիվանքը նոր վանահայր ունեցաւ

Ն.Ս.Օ.Տ.Տ. Գարեգին Երկրորդ Ծայրագոյն Պատրիարք եւ Ամենայն Հայոց Կաթողիկոսի հայրապետական տնօրինութեամբ կատարուած են Մայր Աթոռ Սուրբ Էջմիածնի միաբաններու նշանակումներ։

Հոգեշնորհ Տ. Մխիթար աբեղայ Գրիգորեանը համատեղութեան կարգով առժամապէս ծառայութեան կոչուած է Արցախի թեմին մէջ` որպէս Դադիվանքի վանահայր։

Հոգեշնորհ Տ. Ներսէս աբեղայ Յարութիւնեանը, ազատուելով Եգիպտոսի հայոց թեմին մէջ ստանձնած պարտականութիւններէն, նշանակուած է Արցախի թեմ` որպէս Դադիվանքի հոգեւոր սպասաւոր։

Դադիվանքի մէջ իր ծառայութիւնը կը շարունակէ նաեւ Բարեշնորհ Մանուէլ սարկաւագ Սարգսեանը՝ ազատուելով ՀՀ ԶՈՒ Հոգեւոր Առաջնորդութենէն ներս ստանձնած պարտականութիւններէն։