Երեւանն ու Մոսկուան կը բանակցին Հայաստանի մէջ ռուսական ռազմակայանի ընդլայնման շուրջ
Պաշտօնական Երեւանն ու Մոսկուան բանակցութիւններ սկսած են Հայաստանի մէջ ռուսական ռազմակայանի ընդլայանման շուրջ: Այդ նպատակով Ռուսաստանի մայրաքաղաք մեկնած է ներկայացուցչական պատուիրակութիւն, որու մասին համապատասխան որոշումը ՀՀ վարչապետի պաշտօնակատար Նիկոլ Փաշինեանը որոշում ստորագրած էր նախորդ շաբաթուայ սկիզբը:
Պատուիրակութիւնը բաղկացած է Հայաստանի պաշտպանութեան, արտաքին գործերու, տարածքային կառավարման եւ ենթակառուցուածքներու նախարարութիւններու, ԶՈՒ Գլխաւոր շտապի, հայ-ռուսական միացեալ խմբաւորման, ինչպէս նաեւ Քատասթրի կոմիտէի բարձրաստիճան ներկայացուցիչներէն։
Համապատասխան որոշման մէջ ըսուած է.
«Հայաստանի տարածքին ռուսաստանեան ռազմակայանի տեղակայման եւ գործառնման նպատակով հողատարածքներու եւ անշարժ գոյքի փոխանցման հայ-ռուսական միջպետական յանձնաժողովի 13-րդ նիստին մասնակցելու նպատակով 2021 թուականի 26 Յունիսէն մինչեւ 1 Յուլիսը Ռուսաստանի Դաշնութիւն (Մոսկուա) գործուղել պատուիրակութիւն։
14 հոգինոց պատուիրակութիւնը կը ղեկավարէ Պաշտպանութեան նախարարութեան շինարարութեան եւ զօրքերու բնակաւորման վարչութեան պետ, միջպետական յանձնաժողովի հայկական մասի նախագահ Արմէն Աւետիսեանը»։
Kommersant-ը գրած է, որ յանձնաժողովի նիստին պիտի քննարկուին ռազմակայանի շահագործման ու գործունէութեան համար անհրաժեշտ հողամասեր ու անշարժ գոյք ռուսական կողմին փոխանցելու հետ կապուած հարցեր:
Մայիսին Նիկոլ Փաշինեանը կառավարութեան նիստերէն մէկուն յայտնեց, որ 102-րդ ռուսական ռազմակայանը երկու նոր յենակէտ զբաղցուցած է Սիւնիքի մարզի մէջ՝ սահմանակից Ատրպէյճանին եւ Իրանին:
27 Մայիսին ՀՀ կառավարութեան նիստին որոշում կայացուեցաւ Սիւնիքի մարզի մէջ շուրջ 3,5 հեքթար ընդհանուր մակերեսով հողամասեր անհատոյց օգտագործման իրաւունքով Ռուսաստանի Անվտանգութեան դաշնային ծառայութեան՝ ФСБ-ի Հայաստանի մէջ տեղակայուած սահմանապահ վարչութեան յատկացնելու մասին: Ռուս սահմանապահներու օգտագործման պիտի անցնին Սիւնիքի մարզի Շիկահող գիւղէն, Մեղրիի Շվինաձոր, Կարճեւան, Նռնաձոր գիւղերէն ու Տեղ համայնքէն 7 միաւոր հողակտոր։
Հայ-ռուսական միջպետական հանձնաժողովի 13-րդ նիստը Մոսկվայում մեկնարկել է այսօր։
