Լաւրովի հետ հեռախօսազրոյցի ընթացքին ՀՀ ԱԳ նախարարը տեղեկացուցած է պետական սահմանի միջադէպի մասին
Image
12 մայիսին, ՀՀ Արտաքին Գործոց նախարարի պաշտօնակատար՝ Արա Այվազեան հեռախօսազրոյց ունեցած է ՌԴ ԱԳ նախարար՝ Սերկէյ Լաւրովի հետ:
ՀՀ արտաքին գործոց նախարարութենէն յայտնած են, որ նախարարի պաշտօնակատար՝ Այվազեան իր գործընկերոջը տեղեկացուցած է Հայաստանի պետական սահմանին վրայ տեղի ունեցած վերջին միջադէպի մասին եւ նշած է ատրպէյճանական կողմէն նման սադրանքներու հրահրման անթոյլատրելիութիւնը:
Երկուստեք կարեւորած են տարածաշրջանային անվտանգութեան եւ կայունութեան շուրջ ձեռքբերուած պայմանաւորուածութիւններու լիարժէք կատարումը եւ իրադրութեան սրումը կանխարգիլող քայլերու համադրումը:
