Կարմիր խաչի աջակցութեամբ ջրամբարներ տեղադրուած են Ստեփանակերտի ջրազուրկ բնակելի շէնքերուն մօտ
Image
Ստեփանակերտի ջրազուրկ թաղամասերու բնակիչներուն խմելու ջուրով ապահովելու գործին իր նպաստը բերած է նաեւ Լեռնային Ղարաբաղի մէջ Կարմիր խաչի միջազգային կոմիտէի առաքելութիւնը, կը տեղեկացնէ Ստեփանակերտի քաղաքապետարանը:
Մասնաւորապէս, վերջինիս աջակցութեամբ ջուրով լեցուն ջրամբարներ տեղադրուած են ջրազուրկ բնակելի շէնքերու բակերուն մէջ:
Քաղաքապետարանի ներկայացուցիչները շրջայցեր կատարած եւ համոզուած են, որ քաղաքի մեքենաներու լուացման կէտերը չեն աշխատիր:
«Շնորհակալութիւն ենք յայտնում բոլոր նրանց, ովքեր ըմբռնումով են մօտենում ջրօգտագործման որոշ սահմանափակումներին եւ դրանով իսկ օգնում ժամ առաջ յաղթահարել մեր բնակչութեանը պատուհասած դժուարութիւնները»,– ըսուած է Ստեփանակերտի քաղաքապետարանի տարածած հաղորդագրութեան մէջ:
